كتبنا لمنتخبنا اشعار ........ جديد لعيون العراق

هذه قصيدة هدية مني للمنتخبنا الوطني اتمنى تعجبكم وتعجب عشاق اسود الرافدين

كتبنا لمنتخبنا اشعار ورسمناله على خدود القمر نجمة

وعلى خدود الصبايا العلم خطيناه وعزف ويا القلب نغمة

وهلهولة فرح من زاخو حد الفاو فرحانة الشواطي وهبت النسمة

هذا ابن العراقية التعرفه الناس ما كلّت زنوده ولا تعب عزمه

فك قلوبنا وفوت بيها وشوف تلقى بكل قلب رسمه

هذولة اللي يوحدونا يا ساستنا العراقيين من عدهم تعلم واعرف اللزمه

جيب الكاس صاحولة يا ابن همام خوال تسوم هذولة البيهم الرحمة

وتلقاهم محمد راشد آل مكتوم واحد ما يصير اثنين هذا شما تعد رقمه

هذا خاله الشيخ زايد بيرق العربان ... وابو راشد معدل والكرم عمه

يونس ما كبس لولا قدم هوار ومن نشأت وسطنا يندل المرمى

ونور الحرس مرمانا يا نور العين صد كل القذايف بيده وبجدمه

ضحك وجه الحزينة الدامعة النازفة بغداد ورسم فوق الجرح بسمة

عفية ابن العراقية بطل مقدام ما نام بسفح ... واقف على القمة

فارقنا الفرح واليوم فرحانين مثل فرحة طفل من شاف وجه امه

منهو القالك حنّا العراقيين متفرقين اذا صاح العراق عراقنا نلمه

وشهيد الطاح منّا وشنزف عالقاع ... بس اسم العراق يكتب بدمه

وامة العرب دوم تشيل بينا الراس اذا مات العراق راحت الامة

جمجمة العرب لامة العرب نبراس مثل شم النسيم ترابها نشمّه

من الله خلقنا تمر علينا اهوال بس ابن العراق اهوال ما تهمه

جمع كل الذيول الجاية من بعيد وفرّاهم بكفه وانترس صمه

وطقهم طقة المالوم من يغتاظ وخلّه الزين بيهم يسبح بدمه

اشكرك على الكلمات الحلوه اشكرا ابو صابرين

اخوك الكابتن محمد سعدي

فارقنا الفرح واليوم فرحانين مثل فرحة طفل من شاف وجه امه

الله مااحلى هذة الكلمات تسلم على هذة القصيدة ونحن بأنتضار مواضيعك الجديدة شكرا لك

» اشعار حـــــب وغــــــرام
» زهيري جديد .... 1
» ابوذيات جديد
» ابوذيات جديد
» ابو ذيات جديد